சிரிக்கலாம் வாங்க

நீதிபதி; உங்க
மனைவியை விவாரத்து செய்ய
காரணம் என்ன ?

அப்பாவி கணவர்; அய்யா நான்
ஏற்கனவே ரொம்ப
நொந்து போயிருக்கேன் நீங்களும்
வெந்த புண்ணில்
வேலை பாய்காதீங்க. எந்த
கேள்வியா இருந்தாலும்
அரசு வக்கீலை என் மனைவியிடம்
குறுக்கு விசாரணை
செய்ய சொல்லுங்க

அரசாங்க வக்கீல்
குறுக்கு விசாரணையை ஆரம்பித்தார்.

“அடிப்படையில் உங்களுக்குள் என்ன
பிரச்சினை?”

“அடுப்படியில பிரச்சினை எதுவும்
இல்லைங்க”

“ப்ச்.. உங்களுக்கிடையில் என்ன
தகராறு?”

“எங்க கடையில
தகராறு எதுவுமில்லையே,
நல்லாத்தானே ஓடுது?”

“அடாடா… உங்க தாம்பத்ய உறவில் என்ன
சங்கடம் என்று அறிய கோர்ட்
விரும்புகிறது”

“தாம்பரத்தில
எங்களுக்கு உறவுக்காரங்க
யாருமில்லைங்க.
இருந்தாத்தானே சங்கடம்”

“கருத்து வேறுபாடு ஏதாவது உண்டா?”

“அவரு கருப்புதாங்க. நானும்
கறுப்புதான… அதனால
வேறுபாடு ஏதும் இல்லைங்க”

“வீட்டுக்காரரோட என்ன சண்டை?”

“வீட்டுக்காரரோட எதுக்குங்க சண்டை,
மாசம் ஒண்ணாம்
தேதி வாடகையை வாங்கிட்டு அவரு பாட்டுக்கப்
போயிடறாரு”

(இதற்கு மேல் அவரால் தாங்க
முடியவில்லை.)

(மிகவும் சத்தமாக )“எதுக்காக
விவாகரத்து கேட்கிறார்”

“ஓ..அதுவா… என்னோட பேசறப்ப
எல்லாம் ரத்தக்
கொதிப்பு வந்துடுதாம். நீங்க
நல்லாத்தான பேசிகிட்டு இருக்கீங்க…
உங்களுக்கென்ன ரத்தக்
கொதிப்பா வந்திரிச்சு?

இது அபாண்டம்தானே?”